خصوصی عدالت کے حکم پر سابق صدر پرویز مشرف کا آج ازسر نو مکمل چیک اپ کیا جائے گا۔
ذرائع کے مطابق اے ایف آئی سی کی انتظامیہ عدالتی حکم کی روشنی میں آج صدر کا ازسرنو مکمل چیک اپ کرے گی، ڈاکٹروں کی ٹیم میں اس دفعہ نئے اور سنئیر ڈاکٹر بھی شامل ہونگے۔
سابق صدر کو عکسری ادارہ امراض قلب داخل ہوئے انیس دن گزر گئے ہیں تاہم اس کے باوجود ڈاکٹرز کی ٹیم تاحال سابق صدر کا علاج اندرون یا بیرون ملک کرانے کے لیے کوئی حتمی رائے قائم نہیں کرسکی۔
یاد رہے کہ گزشتہ سماعت کے دوران خصوصی عدالت نے اے ایف آئی سی انتظامیہ کو سابق صدر پرویز مشرف کا ازسر نو مکمل چیک اپ کرانے اور چوبیس جنوری کو ان کی صحت کے حوالے رپورٹ عدالت میں جمع کرانے احکامات جاری کیے تھے۔
ذرائع کے مطابق سابق صدر طبیعت میں بہتری کے باعث اپنے وکلا اور رشتے داروں سے بھی ملاقاتیں کرنے لگے ہیں۔
