کراچی: پشاور میں اسکول پر دہشتگرد حملے نے عالمی میڈیا کی توجہ فور طور پر اپنی طرف مرکوز کرلی،دنیا کے مایہ ناز اخبارات اور ٹی وی چینلز نے اس سانحہ کو بریکنگ نیوز کے طور پر پیش کیا۔
بھارتی اخبار ٹائمز آف انڈیا نے پشاور میں اسکول پر حملے کی خبر کو نمایاں طو ر پر شائع کیا۔جبکہ بھارتی حکام نے نئی دلی اور قریبی شہریوں کی پولیس کو تمام اسکولوں اور ان کے آس پاس کڑی نظر رکھنے کا حکم جاری کر دیا ۔
برطانوی خبر رساں ادارے بی بی سے نے اپنی ویب سائٹ پر پشاور اسکول حملے کو شدت پسندوں کا حملہ قرار دیتے ہوئے ایک سو پینتیس افراد کی موت کی خبر دی ۔
امریکی خبر رساں ادارے سی این این نے بھی پشاور اسکول حملے کو طالبان کی کارروائی قرار دیتے ہوئے بتایا کہ دہشتگردی کے اس واقعہ مین ایک سو تیس افراد موت کی نیند سو گئے، جب کہ خود کش حملہ آوروں سمیت چھ دہشتگردوں کو ہلاک کر دیا گیا ۔
امریکی اخبار اسکائی نیوز کی ویب سائٹ نے بھی پشاور حملے کو شہ سرخیوں میں شائع کیا،جس میں طالبان کے ہاتھوں ایک سو تیس افراد کی شہادت کی خبر دی گئی ۔
