اسلام آباد: سپریم کورٹ آف پاکستان نے سرفراز شاہ قتل کیس میں ملزم شاہد ظفر کی سزائے موت کو عمر قید میں تبدیل کردیا جبکہ افسرخان کو بری کرنے کا حکم دے دیا۔
سرفراز شاہ قتل کیس میں سزاؤں کے خلاف اپیل کی سماعت سپریم کورٹ کراچی رجسٹری میں ہوئی، رینجرز اہلکاروں اور ایک پولیس اہلکار پر سرفراز شاہ کو گولی مار کر قتل کرنے کا الزام تھا۔
رینجرز اہلکاروں کی جانب سے الزام لگایا تھا کہ ہلاک ہونے والا سرفراز شاہ چوری کے واردات میں ملوث تھا، عدالت میں نجی ٹی وی کی جانب سے بھی ریکارڈ جمع کرایا گیا۔
