سلمان خان نے اپنے ٹویٹر پیغام میں ان کے دوستوں اور ساتھی اداکاروں کے ساتھ ناروا سلوک روا رکھنے والے جعلی اکاؤنٹس کے خلاف ناراضگی کا اظہار کردیا۔
بالی وڈ اداکار سلمان خان کروڑوں دلوں کی دھڑکن ہیں اور حقیقی زندگی کی طرح ٹویٹراورفیس بک پربھی ان کے مداح بڑی تعداد میں موجود ہیں۔ دبنگ خان کے نام سے پہچانے جانے والے بجرنگی بھائی جان اپنے مداحوں کی بے پناہ قدر کرتے ہیں اور ان کی عزت بھی کرتے ہیں لیکن وہ افراد جو کہ سوشل میڈیا پرجعلی اکاؤنٹس رکھتے ہیں اور ان کے ساتھ اداکاروں اور حریفوں کے لئے نازیبا الفاظ استعمال کرتے ہیں ان کے لئے سلمان خان کے دل میں کوئی عزت نہیں ہے۔
Fan who is on a false identity using it to put another actor,friend colleague down ,is no fan of mine,don’t like. simple funda hai.
— Salman Khan (@BeingSalmanKhan) June 8, 2015
How many of u r on false identities n y?
— Salman Khan (@BeingSalmanKhan) June 8, 2015
سلمان خان کے میڈیا انڈسٹری میں بھی کئی دوست ہیں اور وہ ان سب کو بھی عزیز رکھتے ہیں اور اپنے اور ان کے درمیان رشتے کو انتہائی سنجیدگی سے لیتے ہیں۔
سلمان خان کے مداحوں کو احساس کرنا چاہیئے کہ جس طرح دبنگ خان ان کی عزت کرتے ہیں ایسے ہی اپنی ساتھی فنکاروں سے بھی انہیں بے پناہ محبت ہے لہذا جب ان کا کوئی خیرخواہ ان کے کسی ساتھی اداکار کے لئے نازیبا الفاظ استعمال کرتاہے تو بحیثیت انسان انہیں تکلیف ہوتی ہے۔
