بھارتی فلم انڈسٹری کے معروف اداکار سلمان خان نے انوکھے مگر منفرد انداز میں ویلنٹائن ڈے منایا۔
بھارتی میڈیا کے مطابق سلمان خان نے ہمیشہ سے ہی اپنے رشتے کی حیثیت کے بارے میں مداحوں کو تجسس میں رکھا ہے، تاہم اس ویلنٹائن ڈے پر انہوں نے اپنے منصوبے ظاہر کرکے سب کو حیران کردیا۔
دبنگ اداکار نے کسی خاص شخصیت کے ساتھ وقت گزارنے کے بجائے اپنے اہل خانہ کے ساتھ محبت، ہنسی اور خوشیوں بھرا دن منایا۔
View this post on Instagram
اداکار نے فوٹو اینڈ ویڈیو شیئرنگ ایپ انسٹاگرام پر اس خاص دن کی مناسبت سے پوسٹ شیئر کی جس میں اداکار نے مداحوں کو ایک منفرد انداز میں مبارکباد دیتے ہوئے لکھا کہ،’ہیپی فیملیٹائنز ڈے!’
سلو بھائی کی جانب سے شیئر کی تصویر میں ان کے والد سلیم خان، بہن ارپیتا خان اور بھائی سہیل خان سمیت خاندان کے تمام فرد موجود کیمرے کے سامنے پوز دیتے نظرآرہے ہیں۔
اداکار نے فیملی فوٹو کیساتھ ویلنٹائن ڈے کی مبارک باد دیتے ہوئے کیپشن میں لکھا کہ،’اگنی ہوترینز، شرمانینز اور خانینیز کو فیملیٹائنز ڈے پر نیک تمنائیں۔
احمد علی اکبر کی مہندی نائٹ کی تصاویر اور ویڈیوز منظرِ عام پر آ گئیں
اس پوسٹ نے مداحوں اور میڈیا کی طرف سے یکساں طور پر بڑے پیمانے پر توجہ حاصل کی، بہت سے لوگوں نے سلمان خان کے محبت پھیلانے کے اس اقدام کو سراہا جو رومانوی تعلقات سے بالاتر ہے۔
