اسلام آباد: سپریم کورٹ نے ڈرون حملوں کے خلاف آئینی درخواست خارج کردی ہے۔
عدالت کا کہنا ہے کہ ڈرون حملوں کے خلاف درخواست آئین کے آرٹیکل184کی شق تین کے دائرہ کار میں نہیں آتی۔
ڈرون حملوں کے خلاف سپریم کورٹ میں شہری اقتدار حیدر کی جانب سے دائر درخواست پر جسٹس ثاقب نثار کی سربراہی میں تین رکنی بنچ نے کیس کی سماعت کی۔
- Advertisement -
دوران سماعت درخواست گزار نے کہا کہ قبائلی علاقے ہمارے ملک کا حصہ ہیں، دفاع کرنا فضائیہ کی ذمہ داری ہے۔
جسٹس ثاقب نثار نے ریمارکس دیتے ہوئے کہا ڈرون حملوں کے خلاف درخواست آئین کے آرٹیکل184کی شق تین کے دائرہ کار میں نہیں آتی، ڈرون حملوں کو روکنے کے لیے عدالت جنگ کا حکم کیسے دے سکتی ہے۔
تاہم عدالت نے ڈرون حملوں کے خلاف دائر درخواست خارج کردی۔
