اسلام آباد: کنٹونمنٹ بورڈز میں بلدیاتی انتخابات نہ کرانے پر وزیرِاعظم نوازشریف کے خلاف توہین عدالت کی درخواست پر کارروائی کیلئے سپریم کورٹ نے اٹارنی جنرل کو عدالت کی معاونت کرنے دے دیا۔
عدالتی حکم کے باوجود کنونمنٹ بورڈ میں بلدیاتی انتخابات نہ کروانے پر وزیرِاعظم نوازشریف کے خلاف سپریم کورٹ میں توہین عدالت کی درخواست ایک شہری نے دائر کی تھی۔
عدالت نے درخواست کی سماعت کرتے ہوئے اٹارنی جنرل کو معاونت کرنے کا حکم دیا۔
- Advertisement -
جسٹس جواد ایس خواجہ کا کہنا تھا کہ اٹارنی جنرل بتائیں کہ عدالت کےاحکامات پرعملدرآمد نہ کرنے کا ذمہ دار کون ہے، ابھی ہم توہین عدالت کا نوٹس جاری نہیں کررہے، ضرورت پڑی تو وہ بھی کرینگے۔
بلدیاتی انتخابات سے متعلق کیس کی سماعت منگل تک ملتوی کردی گئی۔
