اسلام آباد: تحریکِ انصاف کے چیئرمین عمران خان اور عوامی تحریکِ کے سربراہ ڈاکٹرطاہر القادری نے اے آر وائی نیوز کے سینئر اینکر پرسن مبشرلقمان کو ہراساں کرنے کی شدید مذمت کی اور انہیں مکمل تعاون کا یقین دلایا ہے۔
عمران خان نے اسلام آباد میں دھرنے سے خطاب کرتے ہوئے اے آروائی نیوز کے سینئراینکر پرسن مبشرلقمان کے گھر پر پولیس کے چھاپوں اوران کی فیملی کو ہراساں کرنے کی سخت مذمت کی اور کہا کہ پاکستان کےعوام اور پی ٹی آئی مبشرلقمان کے ساتھ ہیں، مبشر لقمان کا قصور نوازشریف حکومت کی کرپشن کو بے نقاب کرنا ہے۔
ڈاکٹرطاہرالقادری نے بھی مبشرلقمان اوراے آر وائی نیوزکو ہراساں کرنے کی مذمت کرتے ہوئے کہا کہ حکومت مبشرلقمان پر پابندی لگا کران کا معاشی قتل کرنا چاہتی ہے، پیمرا کا ایک افسر اے آروائی نیوز پر پابندی لگانے اورلائسنس منسوخ کرنے کی تیاری کررہا ہے۔
ڈاکٹر طاہرالقادری نے کہا کہ اے آروائی یا کسی دوسرے چینل کے خلاف کارروائی ہوئی تو شہرشہراحتجاج ہوگا۔
