کراچی : نو منتخب چیف سلیکٹر ہارون رشید کا کہنا ہے کہ عمر اکمل اور احمد شہزاد کو سبق سکھانے کے لئے ٹیم سے باہر کیا گیا۔
نیشنل اسٹیڈیم کراچی میں میڈیا سے بات چیت کرتے ہوئے ہارون رشید نے کہا کہ عمر اکمل اور احمد شہزاد کو خراب رویے کے سبب ٹیم سے باہر کرکے تمام کھلاڑیوں کو پیغام دیا گیا ہے کہ ڈسپلن پر کوئی سمجھوتہ نہیں کیا جائے گا.
چیف سلیکٹر کا کہنا تھا کہ اظہر علی کو ڈومیسٹک کرکٹ کی پرفارمنس کی بنیاد پر کپتان مقرر کیا گیا ہے، امید ہے وہ اچھے کپتان ثابت ہوں گے۔
- Advertisement -
ہارون رشید نے بتایا کہ ورلڈ ٹی ٹوئنٹی کے لئے محمد عامر اور شعیب ملک سمیت تمام کھلاڑی زیرِ غور ہیں، جو بہتر فارم اور فٹنس کا مظاہرہ کرے گا، اسے ٹیم میں موقع دیا جائے گا۔
