لندن : متحدہ قومی موومنٹ کے قائد الطاف حسین نے حلقہ این اے دو سو بیالیس کے عوام سے اپیل کی ہے کہ وہ انکے نامزد امیدوار کنورنوید جمیل کو قیمتی ووٹ دیکر کامیاب بنائیں۔
الطاف حسین نے کہا ہے کہ بعض جماعتیں خود کو کراچی اور اسکے عوام کا ہمدرد ثابت کرنے کی کوشش کررہی ہیں لیکن عوام گواہ ہیں کہ ان کے ساتھ ظلم وناانصافی کے خلاف صرف ایم کیوایم نےآواز بلند کی۔
الطاف حسین نے کہا کہ کارکنان وعوام کے حوصلے پست کیے جاسکتے ہیں نہ انہیں خوف زدہ کیا جاسکتا ہے ۔
انھوں نے کہا کہ آج لیاقت آباداور فیڈرل بی ایریا کی مائیں، بہنیں،بزرگ اور نوجوان زیادہ سے زیادہ تعداد میں گھروں سے نکلیں اور ایم کیوایم کو ووٹ دے کر ثابت کردیں کہ وہ کل بھی ایم کیوایم اور الطاف حسین کے ساتھ تھے اور آج بھی ہیں۔
