اسلام آباد: فوجی عدالتوں کے قیام کے حق میں مظاہرہ کرنے والے درجنوں افراد کے خلاف مقدمہ درج کرلیا گیا ہے، مقدمہ لاؤڈ اسپیکرایکٹ کی خلاف ورزی پردرج کیا گیا۔
تفصیلات کے مطابق اسلام آباد پولیس نے درجنوں مظاہرین کے خلاف مقدمہ درج کیا ہے مظاہرین فوجی عدالتوں کے قیام کے حق میں مظاہرہ کررہے تھے۔
ذرائع کے مطابق مقدمہ لاؤڈ اسپیکرایکٹ کی خلاف ورزی پرتھانہ آبپارہ میں درج کیا گیا ہے۔
مظاہرے کی قیادت کرنے والے مزدور یونین کے لیڈر چوہدری یاسین کو گرفتارکرنے کافیصلہ کیا گیا ہے جبکہ تھانہ کوہسار پولیس نے لاؤڈ اسپیکر والی گاڑی بھی تحویل میں لےلیا ہے۔
واقعے کی اطلاع ملتے ہی شہریوں کی بڑی تعداد تھانہ آب پارہ کے سامنے جمع ہوگئی ہے اورگرفتار شدگان کی رہائی کے لئے احتجاج کررہی ہے۔
