الطاف حسین نے کہا ہے کہ قائد اعظم کے افکار اور تعلیمات پر اصل روح کے مطابق عمل پیرا ہوئے بغیر ملک و قوم کو دہشت گردی اور انتہاء پسندی سے نجات نہیں دلائی جاسکتی ہے۔
ایم کیو ایم کے قائد نے ایک بیان میں کہا کہ ملک پر قابض دو فیصد مراعات یافتہ طبقے نے آج بھی قائد اعظم کے تصورات ، افکار اور تعلیمات سے دوری اختیار کر رکھی ہے، ان کا کہنا ہے کہ قائداعظم محمد علی جناح پاکستان کو روشن خیال، اعتدال پسند اسلامی ریاست بنانا چاہتے تھے۔
