لندن: سابق صدر آصف علی زرداری سے سینیٹر رحمان کی ملاقات ہوئی، جس میں اے آر وائی نیوز کے نمائندے فیض اللہ کے معاملے پر بات چیت کی گئی۔
لندن میں سابق صدر آصف علی زرداری سے پیپلز پارٹی کے رہنما رحمان ملک نے ملاقات کی، جس میں اے آر وائی نیوز کے رپورٹر فیض اللہ خان کی افغانستان میں جیل میں قید کے معاملے پر تبادلہ خیال کیا گیا، آصف علی زرداری نے رحمان ملک کو ہدایت کی کہ وہ رپورٹر فیض اللہ کی رہائی کے سلسلے میں اقدامات کریں اور فیض اللہ کی رہائی کے لئے کی جانے والی کوششوں کو مزید تیز کریں۔
اس موقع پر رحمان ملک نے فیض اللہ کے والد سے ٹیلی فونک گفتگو بھی کی، فیض اللہ کے والد نے رہائی کے لئے کی جانے والی کوششوں پر رحمان ملک کا شکریہ ادا کیا۔
