لندن : پی ٹی آئی کے سربراہ عمران خان کے بھانجے حسان نیازی کو مولانا فضل الرحمان کے خلاف نعرے بازی کے الزام میں پولیس حراست میں لینے کے بعد رہا کر دیا گیا ہے۔
جمیعت علمائے اسلام ف کے سربراہ مولانا فضل الرحمان کشمیر کانفرنس میں شرکت کے بعد باہر نکلے تو حسان نیازی اور ان کے ساتھیوں نے ان پر آوازیں کسیں اور نعرے بازی کی، مولانا فضل الرحمٰن کے ساتھیوں نے حسان نیازی اور ان کے ساتھیوں کو پکڑنا چاہا، جس پر پارلیمنٹ پر تعینات پولیس اہلکاروں نے حسان نیازی کو اپنی حراست میں لے لیا۔
اس موقع پر حسان نیازی کا کہنا تھا کہ احتجاج کرنا ان کا جمہوری حق ہے، پولیس اہلکاروں نے ابتدائی تفتیش کے بعد حسان نیازی کو رہا کردیا۔
- Advertisement -
دوسری جانب مولانا فضل الرحمٰن بھی اپنی گاڑی میں بیٹھ کر وہاں سے روانہ ہوگئے۔
