طرابلس : لیبیا کے دارالحکومت طرابلس کے ائیرپورٹ پر راکٹ حملوں کے نتیجے میں نوے فیصد طیارے تباہ ہوگئے، حملے میں ایک شخص ہلاک اور متعدد زخمی بھی ہوئے۔
غیرملکی خبر ایجنسی نے لیبیا کے حکام کے حوالے سے بتایا کہ حملے کے بعد ائیرپورٹ کو بند کردیا گیا ہے، حکومتی ترجمان کا کہنا ہے کہ حکومت سکیورٹی کو موثر بنانے کے لیے بین الاقوامی فورسز کی مدد مانگنے پر غور کر رہی ہے۔
اقوام متحدہ نے امن وامان کی خراب صورتحال کے باعث لیبیا میں اپنا مشن بند کرنے کا اعلان کیا ہے، بن غازی میں واقع لیبیا کا دوسرا بڑا ایئر پورٹ پچھلے دو ماہ سے بند ہے اور اس وقت لیبیا میں صرف مصراتہ ایئر پورٹ کام کر رہا ہے۔
