مانسہرہ : پولیس اورسیکیورٹی فورسز کے مشترکہ سرچ آپریشن کے دوران ملزمان سے فائرنگ کے تبادلے میں ایک اشتہاری ملزم ہلاک جبکہ ایک سکیورٹی اہلکار شہید اور دوپولیس اہلکار زخمی ہوگئے۔
مانسہرہ کے علاقے پھلڑہ میں جرائم پیشہ عناصرکی اطلاع پر پولیس اورسیکیورٹی فورسزنے دہشتگردوں کے خلاف مشترکہ کارروائی کی، اس دوران دونوں جانب سے فائرنگ کا تبادلہ کیا گیا، جس کے نتیجے میں سیکیورٹی فورسزکا ایک اہلکار شہید ہوگیا جبکہ دو پولیس اہلکار زخمی ہوگئے۔
سیکیورٹی فورسز کی جوابی فائرنگ میں ایک اشتہاری ملزم کو جان سے ہاتھ دھونا پڑے۔
ہلاک ملزم شہزاد عرف شہزادہ پولیس کواقدامِ قتل اوراغوابرائے تاوان کی بیس سے زیادہ وارداتوں میں مطلوب تھا۔
آپریشن میں دس سے زیادہ مشتبہ افراد کو بھی گرفتار کرلیا گیا ہے، سرچ آپریشن کے دوران علاقے کو سیل کردیا گیا تھا۔
