متحدہ عرب امارات میں افغان حکام اور طالبان کے خفیہ مذاکرات ہوئے ہیں، ان مذاکرات میں طالبان نے انیس و نواسی میں روسی طرز پر افغانستان سے امریکی فوج کا انخلا قبول کرنے پر آمادگی ظاہر کر دی۔
متحدہ عرب امارات میں افغان حکومت کے دو وزیروں نے طالبان کے نمائندوں سے ملاقات کی، غیرملکی خبر ایجنسی سے نام خفیہ رکھنے کی شرط پر طالبان کے ایک نمائندے کا کہنا ہے کہ طالبان انیس سو نواسی کی طرز پر افغان حکومت سے بالواسطہ ثالثی قبول کرنے کو تیار ہے، جس کے نتیجے میں روسی فوج نے افغانستان سے انخلا کیا تھا۔
دوسری جانب افغان صدر حامد کرزئی کا کہنا ہے کہ یہ شرائط اسی صورت میں قابل قبول ہوسکتی ہیں، جب طالبان افغان حکومت کے ساتھ معطل مذاکرات بحال کریں، پاکستان بھی افغانستان میں قیام امن یقینی بنانے کے کئے اپنا کردار ادا کرتا رہا ہے، جس کے تحت پاکستان میں قید متعدد طالبان قیدیوں کو رہائی مل چکی ہے۔
