اسلام آباد : پاکستان پیپلزپارٹی کے رہنماء قمرزمان کائرہ کا کہنا ہے کہ حکومت پارلیمنٹ کی گفتگو کو اپنی رہنمائی سمجھے طاقت نہیں،معاملات کا جلد سیاسی حل نکل آئے تو بہتر ہے۔
اسلام آباد میں ڈاکٹر طاہر القادری سے ملاقات کے بعد میڈیا سے گفتگو کرتے ہوئے قمر زمان کائرہ کا کہنا تھا کہ حکومت پارلیمنٹ کو اپنی طاقت سمجھنے کے بجائے اس سے رہنمائی حاصل کرے، موجودہ بحران کا جلد سیاسی حل نکالا جائے تو بہتر ہوگا تاخیر سے معاملات مزیدخراب ہی ہوں گے۔
انہوں کہا ہے کہ حکومت ایسا راستہ منتخب کرے جس میں خون خرابے کےبغیر معاملات پرامن طور پر حل ہوجائیں، قمرزمان کائرہ کا کہنا تھا کہ ڈاکٹر طاہرالقادری سے ملاقات کے دوران مسائل کے حل کیلئے مختلف تجاویز پر غور کیا گیا ہے۔
