سرینگر: مقبوضہ کشمیر میں بزرگ حریت رہنما سید علی گیلانی کو نظر بند کردیا گیا ہے، علی گیلانی نے بدھ کو ایک ریلی کی قیادت کی تھی جس میں پاکستان کے حق میں نعرے لگائے گئے اورپاکستانی پرچم لہرایا گیا تھا۔
بھارتی میڈیا کے مطابق حریت کانفرنس کے رہنما سید علی گیلانی کو گھر میں نظر بند کردیا گیا ہے، بدھ کو بھارتی مظالم کے خلاف نکالی گئی ریلی کی قیادت سید علی گیلانی نے کی تھی جس میں پاکستان زندہ باداور گو انڈیا گو کے نعرے لگائے گئے اور نوجوانوں نے پاکستانی پرچم بھی لہرایا گیا تھا۔
جس پر بھارتی میڈیا سیخ پا ہوگیا اور پاکستان کے خلاف زہر افشانی شروع کردی تھی، جس پر حریت رہنماؤں کے خلاف غداری کا مقدمہ درج کیا گیا اور بھارتی پولیس نے حریت رہنما مسرت عالم سمیت متعدد ریلی میں شریک نوجوانوں کو گرفتار کرلیا تھا۔
