مقبوضہ کشمیر: انتظامیہ نے بزرگ رہنماء علی گیلانی کو پاکستان کے حق میں منعقد ہونے والے سیمینار میں شرکت سے روکنے کے لئے گھر میں نظر بند کردیا۔
بھارتی میڈیا کے مطابق کشمیری رہنماء علی گیلانی نے گذشتہ ہفتے پاکستان کے حق میں اور بھارتی ریاستی دہشتگردی کے خلاف سیمینار منقعد کرانے کا اعلان کیا تھا، علی گیلانی کو کل ہونے والے اس سیمینار میں شرکت سے روکنے کے لئے گھر پر نظر بند کردیا گیا۔
سیمینار میں سکھوں اور عیسائی کمیونٹی کے نمائندوں کو بھی شرکت کرنا تھا۔
واضح رہے کہ کشمیری رہنما علی گیلانی کی ریلی میں پاکستانی پرچم لہرانے کے جرم میں حریت کانفرنس کے رہنما مسرت عالم بھی قید کی سزا کاٹ رہے ہیں۔
