ملتان میں کیپری سینما کے قریب جھگیوں میں اچانک آگ لگ گئی، درجنوں جھگیاں جل کر خاکستر ہوگئیں درجنوں لوگ گھر بار سے محروم ہوگئے تاہم خوش قسمتی سے غریبوں کی جانیں بچ گئیں۔
ملتان میں کیپر ی سینما کے قریب واقع جھگیوں میں اچانک اگ بھڑک اٹھی جس نے دیکھتے ہی دیکھتے درجنوں جھگیوں کو اپنی لپیٹ میں لے لیا،اطلاع ملنے پر فائر بریگیڈ کی گاڑیاں پہنچ گئیں جنہوں نے ڈیڑھ گھنٹے کی جد و جہد کے بعد آگ پر قابو پالیا،خوش قسمتی سے جانی نقصان نہیں ہوا لیکن درجنوں لوگ چھت سے محروم ہو گئے۔
ریسکیو زرائع کے مطابق آگ لگنے کی وجہ ممکنہ طور پر شارٹ سرکٹ یا انگھیٹی سے جلنا ہوسکتا ہے،آگ اتنی شدید تھی کہ مکینوں کو اپنا سامان نکالنے کا موقع بھی نہ مل سکا۔
- Advertisement -
سخت سردی کے موسم میں سائبان سے محروم ہو جانے والے کھلے آسمان تلے بیٹھے کسی مسیحا کے منتظر ہیں۔
