ساہیوال: تحریکِ انصاف کے مرکزی رہنماء اسد عمر کا کہنا ہے کہ ملکی ترقی و خوشحالی کیلئے عوام عمران خان کو وزیرِاعظم دیکھنا چاہتی ہے۔
ساہیوال میں پی ٹی آئی کے یوتھ کنوینشن سے خطاب میں اسد عمر کا کہنا تھا کہ تحریکِ انصاف کے نظریے کی جنگ میں نوجوانوں کو کلیدی کردار ادا کرنا ہوگا۔
وزیرِاعظم پر تنقید کرتے ہوئے ان کا کہنا تھا کہ نواز شریف کی سیکیورٹی کیلئے کروڑوں روپے کا بجٹ مختص ہے لیکن عوام کے جان ومال کاتحفظ کرنے والے پولیس اہلکاروں کیلئے خزانہ خالی ہے۔
اس سے قبل اسلام آباد میں میڈیا سے گفتگو میں اسد عمر کا کہنا تھا کہ عدالتی کمیشن کی آخری تجویز ن لیگ کی تھی، اسد عمر نے کہا کہ چند خاندانوں کی اجارہ داری کو ختم کرنے کیلئے دو ہزار تیرہ کے انتخابات کو چیلنج کرنا ضروری تھا۔
