کراچی: ملک بھر میں آج عیدالاضحیٰ مذہبی عقیدت و جوش و جذبہ سے منائی جائیگی،لاکھوں فرزندان توحید سنت ابراہیمی پر عمل کرتے ہوئے لاکھوں جانوروں کی قربانی دیں گے۔
عید الاضحیٰ کے سلسلہ میں ملک بھر میں آج نماز عید کے ہزاروں اجتماعات ہونگے جس میں علماء کرام سنت ابراہیمی پر روشنی ڈالیں گے اور ملک و قوم کی سلامتی اور عالم اسلام کے اتحاد کیلئے بھی خصوصی دعائیں مانگی جائیں گی، پولیس سمیت دیگر قانون نافذ کرنے والے اداروں کی طرف سے کسی بھی نا خوشگوار واقعہ سے نمٹنے کے لئے سکیورٹی کے فول پروف انتظامات مکمل کر لئے گئے ہیں، نماز کی ادائیگی کے بعد فرزندان توحید جانوروں کی قربانی کریں گے۔
