اسلام آباد : ملک بھر میں غیر علانیہ طویل لوڈ شیڈنگ کا سلسلہ جاری ہے۔
کراچی کے علاقے شاد مان ٹاون، نارتھ ناظم آباد، نارتھ کراچی، گارڈن ویسٹ، عزیزآباد سمیت مختلف علاقوں میں طویل لوڈشیڈنگ کا سلسلہ برقرار ہے، لاہور کے مختلف علاقوں میں غیر اعلانیہ طویل لوڈ شیڈنگ کا دورانیہ اٹھارہ گھنٹے تک جا پہنچا ہے۔
لودھراں کے علاقے تھانہ سٹی کی حدود میں ریلوے اسٹیشن کالونی کے مکینوں نے مسلسل بجلی کی غیر علانیہ لوڈشیڈنگ کی وجہ سے ملتان ، بہاولپور روڈ کو بلاک کرکے احتجاج کیا، بنوں کے مختلف علاقوں میں بجلی کی بیس گھنٹوں سے زائد لوڈشیڈنگ سے عوام کو شدید مشکلات کا سامنا ہے۔
میانوالی میں بجلی کی غیر اعلانیہ لوڈشیدنگ کا دورانیہ اٹھارہ گھنٹے تک پہنچ گیا۔ تحریک انصاف نے ہر جمعہ کو ملک بھر میں لوڈ شیڈنگ کے خلاف احتجاج کا اعلان کردیا ہے، لوڈشیڈنگ کے خلاف احتجاج ملک کے تما م ڈسٹرکٹ ہیڈ کوارٹرز کے پریس کلب کے باہر کیا جائیگا۔
