لاہور: پاکستان تحریک انصاف کے رہنماء چوہدری محمد سرور نے کہا ہے کہ موجودہ حکمران ’’مارو اورحکمرانی کرو‘‘ کے اصول پرعمل پیراہیں۔
لاہورہائیکورٹ بارمیں میڈیا سے گفتگو کرتے ہوئے سابق گورنرپنجاب چوہدری سرور کا کہنا تھا کہ حکمرانوں نے سانحۂ ماڈل ٹاؤن اور سانحہ ڈسکہ سے یہ تاثر دیا ہے کہ وہ جسے چاہیں قتل کروا سکتے ہیں۔
انہوں نے کہا کہ پولیس میں سیاسی تعیناتیاں اوربھرتیاں ہوتی ہیں جس کی وجہ سے امن قائم نہیں ہوسکتا۔
چوہدری سرور کا کہنا تھا کہ ملک میں بڑا آدمی وہ کہلاتا ہے جو قانون کی دھجیاں بکھیردے۔
انہوں نے مزید کہا کہ پیپلزپارٹی اور مسلم لیگ ن نے صحت اورانصاف کی بہتری کے لیے کوئی قدم نہیں اٹھایا۔
