لاہور: مفتی طارق مسعود نے کہا ہے کہ مودی کی کھوپڑی خراب ہوگئی ہے، ہم ملکر اسے ٹھیک کردیں گے، افواج پاکستان کے ساتھ کھڑا ہوں۔
اے آر وائی نیوز کے مطابق کراچی سے آنے والے علمائے کرام کے وفد نے واہگہ بارڈر کا دورہ کیا اس موقع پر میڈیا سے گفتگو کرتے ہوئے مفتی طارق مسعود نے کہا کہ پہلگام واقعے میں بے گناہ لوگ مارے گئے، پہلگام واقعے کی بھرپور مذمت کرتے ہیں۔
مولانا طارق مسعود کا کہنا تھا کہ پاکستان کا پہلگام واقعے سے کوئی تعلق نہیں، مسئلہ بھارت کے عوام کا نہیں، مودی حکومت کا ہے۔
بھارت میں پتہ بھی ہلتا ہے تو ہمیں معلوم ہوتا ہے، سابق سیکٹر کمانڈر آئی ایس آئی
انھوں نے کہا کہ کراچی سے آیا ہوں، افواج پاکستان کے ساتھ کھڑا ہوں، مودی جنگ کی دھمکیاں دے رہا ہے، پاکستان پر جھوٹے الزام لگارہا ہے، پاکستان اور بھارت میں کسی تیسرے ملک کو ثالثی کا کردار ادا کرنا چاہیے
مفتی طارق مسعود نے کہا کہ اپنے ملک کے دفاع کےلیے افواج پاکستان کے ساتھ کھڑے ہیں، ہم جنگ کی خواہش نہیں رکھتے لیکن اگر مودی کو شوق ہے تو آزما لے۔
دریں اثنا واہگہ بارڈر پر پریڈ اور قومی پرچم اتارنے کی تقریب ہوئی، تقریب میں خواتین اور بچوں نے بڑی تعداد میں شرکت کی۔
شرکا کی جانب سے "نعرہ تکبیر اللہ اکبر” اور "پاکستان زندہ باد” کے نعرے لگائے گئے، واہگہ بارڈر کی فضا "جیوے جیوے پاکستان” کے نعروں سے گونج اُٹھی، پنجاب رینجرز کے جوانوں نے شاندار پریڈ کا مظاہرہ کیا۔
پہلگام واقعہ: یورپ کے اہم ملکوں کا آزادانہ تحقیقات کے لیے پاکستان کی تجویز کا خیر مقدم
