ایک بہادر جنگجو نوجوان کی زندگی کے گِرد گھومتی ایکشن سے بھرپور فلم " ہرکیولس دی لیجنڈ بِیگنز" کا نیا ٹریلر جاری کر دیا گیا ہے۔
رِینی ہرلین کی ہدایتکاری میں بننے والی اس تھری ڈی فلم میں بارہ سو قبل مسیح قدیم یونان میں موجود ایسے ظالم آمر بادشاہ کی حکومت کا زمانہ دِکھایا گیا ہے، جس کا تختہ اُلٹنے ایک بہادر جنگجو ہرکیولس میدان میں اُتر آتا ہے۔
ایکشن اور سسپنس سے بھرپوراس فلم میں ہرکیولس کا کردارکیلن لوٹز نبھا رہے ہیں، ایکشن ، ایڈونچر اور میدان جنگ کی خونریزی کے دِل دہلا دینے والے واقعات کی منظر کشی کرتی تھری ڈی فلم ہرکیولس دی لیجنڈ بِیگنز پچیس جولائی کو دنیا بھر کے سنیما گھروں میں تہلکہ مچانے آرہی ہے۔
