امیرجماعت اسلامی سراج الحق کہتے ہیں کہ سندھ کی تقسیم کاسوشہ چھوڑا گیا ہے نہ سندھ تقسیم ہوگا اور نہ ہی پاکستان تقسیم ہوگا۔ پاکستان کی سرحدوں پر بمباری کا حکومت منہ توڑ جواب دے۔
کشمورمیں جلسہ عام سےخطاب کرتےہوئےسراج الحق نےکہاکہ سیاست تنازعات کاشکارہوگئی ہے اورجمہوریت خطرے میں ہے۔ گیاہ مئی کےانتخابات کےبعد قوم کوتوقع تھی کہ مرکز اورصوبائی حکومتیں وعدوں پرعمل کریں گی اورعوام کےمسائل حل کرینگیتاہم ایسا کچھ بھی نا ہوسکا جس کی وجہ سے عوام مایوس ہے۔
حکمرانوں کاقبلہ مکہ کےبجائےواشنگٹن ہے، عام آدمی کی مددسے ہم حکومت کا قبلہ اسلام کوبنائیں گے۔ حکومت اپنےرویئےمیں تبدیلی لائے۔ سراج الحق نےکہاکہ حکومت قانون کی حکمرانی یقینی بنائےاورمسائل حل کرے۔
سراج الحق کا کہنا تھا کہ الیکشن کمیشن کی تشکیل نوکےحوالےسےحکومت سنجیدہ اقدامات کرے، ملک میں اربوں روپےکی کرپشن ہورہی ہے،اگر کرپشن کو روکا جائےتو قرضےکی ضرورت نہیں رہےگی۔
سراج الحق کا کہنا تھا کہ سندھ کی تقسیم کاسوشہ چھوڑا گیا ہے، نہ سندھ تقسیم ہوگا اور نہ ہی پاکستان تقسیم ہوگا، سراج الحق نے مزید کہا کہ حکومت سرحدوں پربمباری کامنہ توڑجواب دے جبکہ نریندر مودی انتہاپسند ہے۔
