چیف جسٹس آف پاکستان قاضی فائز عیسیٰ نے چیف جسٹس کے لیے مختص پروٹوکول واپس کر دیا ہے۔
اے آر وائی نیوز کو سپریم کورٹ ذرائع سے ملنے والی اطلاعات کے مطابق چیف جسٹس آف پاکستان قاضی فائز عیسیٰ نے بڑا فیصلہ کرتے ہوئے اپنے لیے مختص پروٹوکول کو واپس کر دیا ہے۔
سپریم کورٹ ذرائع کا کہنا ہے کہ چیف جسٹس قاضی فائز عیسی کے ساتھ اب پروٹوکول کی صرف دو گاڑیاں رہ گئی ہیں۔
ذرائع نے بتایا کہ چیف جسٹس کی گاڑی بدھ کو سپریم کورٹ رجسٹری سے واپسی پر تمام سگنلز پر رکتی رہی کیونکہ چیف جسٹس قاضی فائز عیسیٰ نے ہدایت کی ہے کہ ان کی گاڑی کے آگے پائلٹ نہیں رکھا جائے تاکہ سفر کے دوران معمول کا ٹریفک بحال رہے اور عوام کو پریشانی کا سامنا نہ کرنا پڑے۔
واضح رہے کہ اس سے قبل جب گزشتہ سال قاضی فائز عیسیٰ نے چیف جسٹس آف پاکستان کا منصب سنبھالا تھا تو سپریم کورٹ آمد پر انہوں نے گارڈ آف آنر لینے سے انکار کر دیا تھا۔
چیف جسٹس قاضی فائزعیسیٰ کی سپریم کورٹ آمد ، گارڈ آف آنر لینے سے انکار
واضح رہے کہ سابق چیف جسٹس صاحبان کے ساتھ 10 سے 12 پروٹوکول کی گاڑیاں مختص تھیں۔
