اسلام آباد : نئے بجٹ کے آج سے لاگو ہونے کے بعد موبائل، انٹرنیٹ اور موبائل کارڈ پر کتنا ٹیکس لگے گا؟ اس حوالے سے صارفین کے لیے اہم خبر آگئی ہے۔
تفصیلات کے مطابق ایف بی آر نے نان فائلرز کی سمز بند کرنے کیلئے انکم ٹیکس جنرل آرڈر جاری کردیا گیا ، انکم ٹیکس جنرل آرڈر میں شامل افراد کے موبائل انٹرنیٹ اور موبائل کارڈ پر 75 فیصد ٹیکس لگے گا۔
بجٹ میں نان فائلرزکی سمزبلاک نہ کرنےوالی ٹیلی کام کمپنیوں کوپانچ سےدس کروڑروپےجرمانہ ادا کرنا پڑے گا۔
اس کے علاوہ نئے مالی سال کے بجٹ میں تنخواہ دار اور کاروباری طبقے کی آمدن پر دس فیصد اضافی سرچارج لگایا گیا ہے۔
تنخواہ دارطبقےپرٹیکسوں کی شرح انتالیس فیصدکردی گئی ہے جبکہ ایسوسی ایشن آف پرسنز کوچوالیس فیصد اور کاروباری طبقےکوپچاس فیصدتک انکم ٹیکس ادا کرناپڑے گا۔
نئے بجٹ کے آج سے لاگو ہونے کے بعد شیرخواربچوں کے ڈبہ بند دودھ ہی نہیں بلکہ دودھ کےعام پیکٹ پربھی اٹھارہ فیصد جی ایس ٹی دینا پڑے گا ساتھ ہی موبائل فون کی خریداری پراٹھارہ سے پچیس فیصد تک جی ایس ٹی عائد کیا گیا ہے۔۔
بلڈرزاورڈیولپرزکو تعمیرات، رہائشی اورکمرشل پراپرٹی کی فروخت پردس سے پندرہ فیصد ٹیکس دینا ہوگا جبکہ نان ریذیڈنٹ پاکستانیوں کومختلف ٹرانزیکشنزپرٹیکس دینا ہوگا۔
