نیشنل انسٹیٹیوٹ آف ٹیکنالوجی نے کئی ایجادات کے بعد ریورس میٹر اور آٹو میٹک ووٹنگ مشین بھی ایجاد کرلی۔
نیشنل انسٹیٹیوٹ آف ٹیکنالوجی نے ایک اور کارنامہ انجام دیا، واک تھرو گیٹ اور خفیہ ڈیٹا محفوظ کرنے کے آلات کے بعد بجلی کے ریورس میٹرز بھی تیار کرلئے۔
اس جدید ٹیکنالوجی کا کمال یہ ہے کہ اس کے ذریعے سولر انرجی سے حاصل ہونے والی بجلی ڈائریکٹ نیشنل گرڈ میں شامل ہوگی اور وہی بجلی صارفین کو بغیر بیٹریز کے مہیا بھی کی جاسکے گی۔
یونیورسٹی نے جدید ترین آٹو میٹک ووٹنگ مشین بھی تیار کر رکھی ہے، جس کیلئے امریکی سفارتخانے یونیورسٹی سے رابطہ کیا ہے، نسٹ یونیورسٹی کو سائنس اینڈ ٹیکنالوجی میں اہم ایجادات کے بعد ایشیاء کی ایک سو بیسویں اور دنیا کی پانچ سو بہترین یونیورسٹیز کی فہرست میں شامل کیا جاچکا ہے۔
