نیشنل ٹی ٹوئنٹی کپ میں قومی بیٹر محمد فائق نے دھواں دھار سنچری اسکور کرتے ہوئے لاڑکانہ کے بولرز کو نشانے پر رکھ لیا۔
رمضان المبارک میں نیشنل ٹی ٹوئنٹی کپ کے میچز جاری ہیں، لاہور وائٹس کے بیٹر محمد فائق نے لاڑکانہ کے خلاف جارحانہ اور شاندار سنچری اسکور کی، انھوں نے تھری فیگر اننگز تک پہنچنے کے لیے صرف 50 بالز کا سہارا لیا۔
محمد فائقن نے اپنی اننگز میں شائقین کو خوب محظوظ کیا، ان کی شعلے برساتی اننگز میں 5 بلند و بالا چھکے جبکہ 13 چوکے بھی شامل تھے۔
لاہور کے بیٹر نے محمد فائق نے لاڑکانہ کے بولرز کی ایک نہ چلنے دی اور گرائونڈ کے چاروں جانب کھل کر شارٹس کھیلے اور دلکش بیٹنگ کا مظاہرہ کیا۔
