کراچی : طوفان نیلوفر سندھ اوربلوچستان کے ساحل سے ٹکرانے کی اطلاع پر تمام انتظامات مکمل کرلئے گئے ہیں، پاک بحریہ کے جوائنٹ میری ٹائم انفارمیشن کوآرڈیشن سینٹر نے ریڈ الرٹ جاری کردیا ہے۔
بحیرہ عرب کے وسط میں ابھرنے والے طوفان ’’نیلوفر‘‘کا سندھ اور بلوچستان کے ساحل سے ٹکرانے کا خدشہ ہے، پاک بحریہ کے جوائنٹ میری ٹائم انفارمیشن کوآرڈیشن سینٹر کی جانب سے ریڈ الرٹ جاری کردیا ہے۔
کراچی، ٹھٹھہ اور بدین سمیت سندھ اور بلوچستان کے ساحلی علاقوں میں تیزبارشیں ہوں گی۔
گزشتہ شب طوفان کراچی سے جنوب مغرب میں بارہ سو پچاس کلو میٹر گوادر سے جنوب میں گیارہ سو پچھتر اور عمان کے ساحلی شہر سلالہ سے آٹھ سو اسی کلومیٹر دور تھا۔
آئندہ اڑتالیس گھنٹے میں امکان ہے کہ طوفان شمال مشرق کی جانب بڑھے گا، جس کے بعد رخ تبدیل ہونے پر یہ جمعہ کے روز سندھ اور بلوچستان کے ساحلی علاقے اور بھارت میں گجرات کی ساحلی پٹی سےٹکرائے گا، جسکے نتیجے میں کراچی ،ٹھٹھہ، بدین سمیت سندھ اور بلوچستان کے ساحلی علاقے سمیت عمان کے ساحلی علاقوں میں بھی تیزہواؤں کے ساتھ شدید بارش کا امکان ہے۔
