وادی تیراہ : جی اوسی تیراہ میجرجنرل عابد ممتازکا کہنا ہے کہ وادی تیراہ کودہشت گردوں سےخالی کرالیا ہے۔افغانستان سے ملحقہ سرحد سیل کر دی۔
ان خیالات کا اظہارانہوں نے اے آروائی نیوز کے اینکر ارشد شریف سے گفتگو کرتے ہوئے کیا۔
جنرل آفیسر کمانڈنگ تیراہ میجرجنرل عابد ممتازکا کہنا تھا کہ تیراہ میں شروع میں دہشت گردوں کے تین گروہ تھے جو بعد میں ایک ہو گئے۔
منگل باغ کا گروپ سب سے بڑا تھا۔ انہوں نے بتایا کہ وادی میں آپریشن کے دوران افغانستان سے ملحق سرحد کو سیل کر دیا گیا۔
میجرجنرل عابد ممتازکا کہنا تھا کہ علاقے میں غیر ملکی قوتوں کی مداخلت کی وجہ سے دہشت گردی نے زور پکڑا۔ میجرجنرل عابد ممتاز نے کہا کہ دہشت گرد منشیات کی اسمگلنگ سے اپنی کارروائیوں کے لئے پیسہ اکھٹا کرتے تھے۔
