نیویارک: تیرہ سال قبل نیویارک میں دہشت گرد حملوں کے نتیجے میں تباہ ہونے والے ورلڈ ٹریڈ سینٹرکو دوبارہ تعمیر کے بعد پھرکاروبارکے لیے کھول دیا گیا۔
تین ارب نوے کروڑ ڈالرکی لاگت سے نو تعمیر شدہ ایک سو چار منزلہ ون ورلڈ ٹریڈ سینٹر کی دوبارہ تعمیر میں تیرہ سال لگے، یہ عمارت مین ہٹن کے علاقے میں تباہ ہونیوالے ٹریڈ سینٹرز کےعین سامنے تعمیر کی گئی ہے۔
جدید ترین انداز میں تعمیر کی گئی اس عمارت کا نام تبدیل کر کے ون ورلڈ ٹریڈ سینٹر رکھ دیا گیا ہے۔
- Advertisement -
تکمیل کے بعد یہ امریکا کی بلند ترین عمارت بن گئی ہے، نئی عمارت کو پہلا کرایہ دار بھی مل گیا، جو ایک پبلشنگ کمپنی ہے، جس نے بیس سے لے کر چوالیس فلور تک کرایئے پر لے لیے ہیں۔
