اسلام آباد : وزیراعظم شہباز شریف نے سعودی اور قطری سفرا سے ملاقاتوں میں مشرق وسطیٰ کی صورتحال پر تبادلہ خیال کیا جبکہ امیر قطر اورعوام سے اظہار یکجہتی کیا۔
تفصیلات کے مطابق وزیراعظم شہباز شریف سے سعودی عرب اور قطر کے سفرا سے الگ الگ ملاقات کی۔
وزیراعظم محمد شہباز شریف ایکس پر پیغام میں لکھا ‘آج صبح پاکستان میں قطر کے سفیر سے ملاقات کی اور گزشتہ روز کے حملوں کے بعد وزیراعظم نے امیر قطر اور عوام سے اظہار یکجہتی کیا۔
وزیراعظم نے کہا ہم قطری بہن، بھائیوں اور پورے خطے کی سلامتی اور تحفظ کے لیے دعا گو ہیں ساتھ ہی مشرق وسطیٰ میں قیام امن کے لیے پاکستان نے ہمیشہ بات چیت اور سفارت کاری پر زور دیا۔
Met the Ambassador of Qatar this morning to express our solidarity with His Highness the Amir and the brotherly people of Qatar following last night’s attacks. We pray for the safety and security of our Qatari brothers and sisters, and the entire region. Pakistan has always… pic.twitter.com/z4vZRsEgFd
— Shehbaz Sharif (@CMShehbaz) June 24, 2025
وزیراعظم سے سعودی عرب کے سفیر نے بھی ملاقات کی اور مشرق وسطی میں بدلتی صورتحال پر تبادلہ خیال کیا۔
وزیراعظم شہبازشریف نے سلمان بن عبد العزیز ال سعود اور ولی عہد محمد بن سلمان بن سلمان بن عبد الزیز ال سعود ، کے لئے دعا اور نیک خواہشات کا اظہار کیا۔
اس موقع پروزیراعظم نے سعودی فرمان رواں اورسعودی عوام کے ساتھ پاکستان کی اٹل یکجہتی کاعزم دھرایا۔
وزیراعظم نے کہا پاکستان ڈائیلاگ اور سفارت کاری کے ذریعے خطے میں امن کے لئے سعودی عرب کے ساتھ مل کر کام کرتا رہے گا۔
Met the Ambassador of the Kingdom of Saudi Arabia today and discussed the rapidly evolving situation in the Middle East. I conveyed my prayers and good wishes for Custodian of the Two Holy Mosques, His Majesty King Salman bin Abdulaziz Al Saud, as well as for my dear brother His… pic.twitter.com/na2QU9J7GA
— Shehbaz Sharif (@CMShehbaz) June 24, 2025
یاد رہے گذشتہ روز ایران نے اپنے جوہری تنصیبات پر امریکی حملوں کا بدلہ لینے کے لیے قطر میں امریکی ایئربیس العدید پر جوابی حملہ کیا۔
قطر العدید ایئر بیس کی میزبانی کرتا ہے، جو مشرق وسطیٰ میں سب سے بڑی امریکی فوجی تنصیب ہے، جہاں محکمہ خارجہ کے اعداد و شمار کے مطابق، تقریباً 8,000 امریکی شہری مقیم ہیں۔
