کراچی : وزیرِاعظم نوازشریف مختصر دورے پر کراچی پہنچ گئے، جہاں وہ گرمی سےاموات اور لوڈشیڈنگ سے متعلق وزیراعلیٰ ہاؤس میں اجلاس کی صدارت کریں گے۔
وزیرِاعظم کو وزیرِاعلی ہاؤس میں اعلیٰ سطح اجلاس کی صدارت کے دوران حکومت سندھ کو وفاق سے تحفظات پر بریفنگ دی جائے گی، اجلاس میں گورنرسندھ عشرت العباد، وزیرِاعلی قائم علی شاہ، کے الیکٹرک کے حکام سمیت دیگر افسران شرکت کریں گے۔
وزیرِاعظم کو ہیٹ اسٹروک اور بجلی بحران پر بھی تفصیلی بریفنگ بھی دی جائے گی، ذرائع کے مطابق گورنر سندھ اور وزیرِاعلی وزیرِاعظم سےعلیحدہ علیحدہ ون آن ون ملاقات بھی کریں گے۔
وزیراعظم ایک روزہ دورہ کراچی میں این جی اوز کے نمائندوں اور شہر میں مخیر حضرات کے ذریعےعوامی سہولتوں کا جائزہ لیں گے۔
