اسلام آباد: وزیر اعظم نواز شریف اور آصف زرداری کی ملاقات آج ہوگی، آصف زرداری امیر جماعت اسلامی سراج الحق اور چوہدری برادران سے بھی ملاقات کریں گے۔
ملک میں سیاسی بحران جاری ہیں، بلاول ہاؤس کے ذرائع کے سابق وزراعظم نوا ز شریف نے سابق صدر آصف علی زرداری کو کل لاہور رائیونڈ ہاؤس میں اپنی رہائش گاہ پر ظہرانے کی دعوت دی ، جس کو سابق صدرا ٓصف علی زرداری نے قبول کیا، سیاسی حلقے موجودہ سیاسی بحران میں ان رہنماؤں کی ملاقات کوخصوصی اہمیت دے رہے ہیں، سابق صدر کے ہمراہ ظہرانے کی محفل میں خورشید شاہ، اعتزاز احسن اور رضا ربانی شریک ہوں گے۔
بعض مبصرین کا کہنا ہے کہ نواز شریف نے موجودہ سیاسی بحران کے حل کیلئے سابق صدر آصف علی زرداری سے مدد طلب کرلی ہے اور امکان ہے کہ سابق صدرآصف علی زرداری اس بحران کے حل کیلئے اہم کردار ادا کرنے جارہے ہیں۔
سابق صدر نے اپنی آمد کے ساتھ ہی سیاسی سرگرمیاں دکھانا شروع کردیں، زرداری آج چوہدری برادران اور امیر جماعت اسلامی سراج الحق سے بھی ملاقات کریں گے ۔
رحمان ملک بھی آصف زرداری کے ہمراہ ہونگے، اس سے قبل آصف زرداری نے جمعیت علماء اسلام کے سربراہ مولانا فضل الرحمان سے ٹیلیفونک رابطہ کیا اور موجودہ سیاسی بحران پر تبادلہ خیال کیا۔
