لندن: تحریک انصاف کے چئیرمین عمران خان نے کہا ہے کہ نئے پاکستان کی تحریک جہاں رکھی تھی 14اگست کو وہی تحریک دوبارہ شروع کر دی جائیگی ۔
لندن میں ایک تقریب سے خطاب کرتے ہوئے انہوں نے کہا کہ وہ 14اگست کو مکمل ثبوتوں کیساتھ ان تمام لوگوں کے ناموں کا انکشاف کریں گے،جنہوں نے مل کر گزشتہ انتخابات میں دھاندلی کی، انہوں نے کہا کہ حکومت نے خیبر پختونخواہ حکومت کو اعتماد میں لیے بغیر وزیرستان آپریشن شروع کی، جس سے مسائل میں اضافہ ہوا ہے، عمران خان نے کہا کہ وفاق اور پنجاب حکومت نے مل کر تمام اداروں کو تباہ کر یا ہے، انہوں نے عہد کیا کہ 14اگست کو ایک بڑا سیلاب اسلام آباد کی طرف رواں ہوگا۔
