کراچی: ترجمان رینجرز نے انکشاف کیا ہے کہ جرائم پیشہ افراد اور ٹارگٹ کلرز سے برآمد ہونے والے اسلحہ کے بیشتر لائسنس جعلی ہیں۔

ترجمان رینجرز کی جانب سے جاری پریس ریلیز میں دعوی کیا گیا ہے کراچی میں جرائم پیشہ افراد اور ٹارگٹ کلرز سے برآمد ہونے والے بیشتر اسلحہ لائنس جعلی ہیں، ٹارگٹ کلنگ کیلئے استعمال اسلحہ کی منتقلی کیلئے جعلی لائسنس بنائے جارہے تھے، جعلی لائسنس بنانے میں کچھ اسلحہ ڈیلرز ملوث ہیں۔

دوسری جانب سندھ رینجرز نےاعلان کیا ہے کہ تیس اپریل تک تمام غیر قانونی اسلحہ، جعلی لائسنس جمع کرایا جائے، غیر قانونی ہتھیار تیس اپریل تک قریبی رینجرزچوکیوں پر جمع کرادیئے جائیں، تیس اپریل کے بعد جعلی لائسنس اور غیرقانونی اسلحہ رکھنے پر کارروائی ہوگی۔

جعلی اسلحہ لائسنس ثابت ہونے پر چودہ سال تک قید ہوسکتی ہے۔

Comments