سڈنی: آسٹریلیا نے جنوبی افریقہ کو پانچویں ایک روزہ میچ میں سنسنی خیز مقابلے کے بعد دو وکٹوں سے ہرا کر سیریز چار ایک سے جیت لی۔
سڈنی میں کھیلے گئے سیریز کے آخری ون ڈے میں جنوبی افریقہ نے ٹاس جیت کر بیٹنگ کا فیصلہ کیا،پروٹیاز نے وکٹ کیپر کونٹین ڈی کوک کی شاندار سنچری کی بدولت مقررہ اوورز میں دو سو اسی رنز بنائے۔ پیٹ کمنز نے تین کھلاڑیوں کو آؤٹ کیا۔ ہدف کے تعاقب میں آسٹریلیا کو برق رفتار آغاز ملا، ابتدائی بلے بازوں کی نصف سنچریوں نے کینگروز کی منزل کو آسان بنایا۔
روبن پیٹرسن نے یکے بعد دیگرے چار وکٹیں لے کر میزبان ٹیم کی مشکلات بڑھائی۔ لیکن پیٹرسن کی شاندار پرفارمنس بھی جنوبی افریقہ کو شکست دے نہ بچاسکی، آسٹریلیا نے مطلوبہ ہدف آٹھ وکٹوں پر حاصل کرتے ہوئے سیریز میں چار ایک سے کامیابی سمیٹ کر ون ڈے رینکنگ میں پہلی پوزیشن حاصل کی۔
