بالی ووڈ کے فلم سازوں پاکستانی صحافی صبا امتیاز کے پہلے ناول ’کراچی یو آر کلنگ می‘ پر فلم بنانے کا فیصلہ کیا ہے۔
بالی وڈ کی جلد ہی ریلیز ہونےوالی فلم ’ایئرلفٹ‘ کے فلمساز اس ناول پر فلم بنائیں گے، ایئرلفٹ میں اکشے کمار اور نمرت کور مرکزی کردار ادا کررہے ہیں۔
- Advertisement -
پاکستانی صحافی کا یہ پہلا ناول ہے اور اور ان کا اسکے بارے میں کہنا ہے کہ ’یہ ایک خالی شہر کی مزاحیہ داستاں ہے‘۔
فلم کی شوٹنگ اس سال کے اختتام تک شروع ہوجائے گی اور صبا امتیاز اسکرین پلے لکھنے میں اہم کردار ادا کریں گی۔
ناول کی کہانی عائشہ خان نامی ایک نوجوان لڑکی کے گرد گھومتی ہے جو کہ آزاد خیال ہے اور اپنے ملک کے قدامت پسند معاشرے کی مخالف ہے۔
فلم ساز اس فلم میں عائشہ خان کا بولڈ کردار ادا کرنے کے لئے ایک نوجوان ایکٹریس تلاش کررہے ہیں۔
