شارجہ :آسٹریلیا نے پاکستان اے کیخلاف سائیڈ میچ کے دوسرے روز آٹھ وکٹوں پر دو سو تہتر رنز بنالئے ہیں، پاکستان اے کی پہلی اننگز کی سبقت ختم کرنے کیلئے مزید بتیس رنز درکار ہیں۔
شارجہ میں کھیلے جارہے چار روزہ سائیڈ میچ کے دوسرے روز پاکستان نے بغیر کوئی گیند کھیلے تین سو پانچ رنز آٹھ کھلاڑی آؤٹ پر اننگز ڈکلیئر کردی۔
آسٹریلیا کو اننگز کے آغاز سے ہی مشکلات کا سامنا رہا اور تین کھلاڑی اٹھاون رنز پر آؤٹ ہوگئے، ایلکس ڈولان کی سنچری اور اسٹیون اسمتھ کے اٹھاون رنز نے آسٹریلوی ٹیم کے اسکور میں اضافہ کیا۔
- Advertisement -
دن کے اختتام تک آسٹریلیا نے آٹھ وکٹوں پر دو سو تہتر رنز بنالئے ہیں، بریڈ ہیڈن اڑتیس اور پیٹر سڈل چار رنز کیساتھ تیسرے روز کا آغاز کرینگے۔
