ماسکو: پاکستان نے روس سے چارایم آئی 35 ایم خریدنے کا فیصلہ کرلیا ہے، یہ رپورٹ روس کی خبررساں ایجنسی تاس نے نشرکی ہے۔
روسی فوجی ذرائع کے مطابق مذاکرات کے بعد بالاخرپاکستان نے روسی ساختی جدید ہیلی کاپٹر ایم آئی 35 ایم خریدنے کا فیصلہ کرلیا اور اس سلسلے میں روس کی جانب سے ایک معاہدہ ڈرافٹ کرکے پاکستان کے حوالے کیا گیا ہے جس کا ماہرین باریک بینی سے جائزہ لے رہے ہیں۔
روسی وزارتِ خارجہ کا کہنا تھا کہ پاکستان کے پاس پہلے ہی کئی ایم آئی 17 ہیلی کاپٹر موجود ہیں جوکہ اسے امریکہ کی جانب سے ملک میں دہشت گردی کے سدِ باب کے لئے دئیے گئے ہیں۔
پاکستان اور روس نے گزشتہ سال دوطرفہ دفاعی تعاون کامعاہدہ کیا تھا۔ ایک اور معاہدہ جس کا نام ’’تکینیکی تعاون کا معاہدہ‘‘ ہے ایشیا ئی ممالک کو فوجی ساز و سامان کی فروخت کے لئے کیا گیا ہے۔
واضح رہے کہ آرمی چیف جنرل راحیل شریف ان دنوں روس کے دورے پر ہیں جہاں انہوں نے روسی ہھتیاروں کی نمائش میں شرکت کی اوردفاعی ساز و سامان کی کارکردگی کا معائنہ کیا۔
