اسلام آباد: پاکستان سمیت دنیا بھر میں آج انسانی حقوق کا عالمی دن منایا جا رہا ہے۔ انسانی حقوق کا دن ہر سال دس دسمبر کو منایا جاتا ہے۔
تفصیلات کے مطابق انسانی حقوق کا عالمی دن اقوام متحدہ کے تحت ہر سال دس دسمبر کو دنیا بھر میں منایا جاتا ہے۔ اس دن کو منانے کی وجہ تمام انسانوں کو مساوات کا پیغام دینا اور ظلم کے خلاف آواز کو بلند کرنا ہے۔
آج دنیا میں انسانی حقوق کو پامال کیا جا رہا ہے۔ انسانی حقوق دور کی بات آج کا انسان بنیادی حقوق سے محروم کر دیا گیا ہے۔ جس کی وجہ سے معاشرے میں بگاڑ پیدا ہوتا ہے۔
پاکستانی عوام آج بھی بنیادی انسانی حقوق سے محروم ہیں۔ جس میں تعلیم، روزگار، پینے کا صاف اور صحت کی بنیادی سہولتیں شامل ہیں۔ اس دن کی مناسبت سے لوگوں میں آگاہی کیلئے ملک بھر میں سمینارز اور ریلیوں کا انعقاد بھی کیا جاتا ہے۔
