اسلام آباد: وزیراعظم نواز شریف نے قومی اسمبلی میں خطاب کرتے ہوئے کہا کہ آئین اور قانون کی بالادستی قائم رکھنے کا عزم قابل تحسین ہے، خوشی ہوئی جب سب کہتے تھے کہ نظام کیلئے جدوجہد کررہے ہیں ۔
وزیراعظم نواز شریف نے کہا کہ پارلیمنٹ 20 کڑور عوام کی نمائندہ ہے، پارلیمنٹ کی قرارداد ایک فرد کی نہیں بلکہ نظام کی فتح ہے، آئین پر یقین رکھنا جمیوریت کی فتح ہے۔
وزیراعظم نےدوران خطاب اپوزیشن لیڈر خورشیدشاہ کی طرف اشارہ کرتے ہوئے کہا کہ ایوان نظام میں خلل ڈالنے والوں کا محاسبہ کرےگا۔موجودہ صورتحال سے گھبرانے والےنہیں۔
اسمبلی اجلاس سے خطاب کرتے ہوئے وزیراعظم نےکہا کہ پورے یقین کے ساتھ کہتا ہوں آئین کی بالادستی قائم رہے گی ، پاکستان میں جہموریت کی شمعیں جلتی رہے گی ملک میں آئین ، قانون کی بالادستی اور ترقی کا سفر جاری رہے گا، جہموری نظام پر یقین رکھنا جہموریت کی فتح ہے۔
حکومت ، وزیر اعظم آتے اور چلے جاتے ہیں، دس سے نو جماعتوں نے آئین کی بالادستی کی حمایت کی، حمایت کرنے پر سب کا دل کی گہرائیوں سے شکریہ ادا کرتا ہوں۔
وزیراعظم کا کہا کہ میں نے آئین کی پاسداری کا حلف اٹھایا ہے، آپ کے جذبات کو کبھی ٹھیس نہیں پہنچاؤں گا، اپنےحلف پر کبھی آنچ نہیں آنے دوں گا۔
نوازشریف کے کہا کہ دوہزارآٹھ کے الیکشن میں ہمارے ہاتھ باندھ دیئے گئے تھے پھر بھی دھاندلی کا رونا نہیں رویا، پیپلزپارٹی کی فتح کو دل سے تسلیم کیا۔
قائد ایوان نے خطاب میں کہا کہ عمران خان نے انتخابی نتائج تسلیم کر کے مبارکباد دی تھی اور تعاون کا یقین دلایا تھا۔
انہوں نے اس عزم کا بھی اعادہ کیا کہ جب حکومت ماضی میں مشکلات سے باہر نکل گئے تو یہ وقت بھی گزر جائے گا۔ انھوں نے کہا کہ مناسب وقت پر بتاؤں گا موجودہ صورتحال کس طرح شروع ہوئی۔
