بہت سی کامیابیوں ، ناکامیوں اور تبدیلیوں کو دامن میں سمیٹے دو ہزار تیرہ کا آخری سورج پاکستان میں غروب ہو گیا. بہت سی ناکامیوں ، کئی کامیابیوں اور تبدیلیوں کو دامن میں سمیٹے دو ہزار تیرہ کا آخری سورج غروب پاکستان میں ہو گیا، پاکستان پیپلزپارٹی کی حکومت اپنی آئینی مدت پوری کر کے رخصت ہوئی اور عام انتخابات میں مسلم لیگ ن نے کامیابی حاصل کر کے حکومت بنائی۔
چھ برس تک مسلح افواج کے سربراہ رہنے والے جنرل اشفاق پرویز کیانی نے آرمی ہاوس کالی کرتے ہوئے مسلح افواج کی کمان جنرل راحیل شریف کے سپرد کی، متحرک عدلیہ کی بنیاد رکھنے والے چیف جسٹس افتخار محمد چوہدری مدت ملازمت پوری کر کے ریٹائر ہوئے اور ان کی جگہ جسٹس تصدق حسین جیلانی نئے چیف جسٹس بنے۔
سابق صدر جنرل ریٹائرڈ پرویز مشرف وطن واپس آئے اور ان کے خلاف قائم مقدمات میں کارروائی جاری ہے، کراچی سمیت ملک بھر میں دہشت گردی کا سلسہ بھی روکا نہ جا سکا۔ سینکڑوں گھروں کے چراغ بجھا دیے گئے اور ہزاروں بچے یتیم ہوئے۔ رواں سال کے دوران جہاں شوبز سمیت کئی شعبہ ہائے زندگی کی اہم شخصیات ہم سے جدا ہوئیں تو کھیل کے میدانوں میں کئی کامیابیاں بھی پاکستان کے حصے میں آئیں۔
