مانچسٹرٹیسٹ میں پاکستان کی پوری ٹیم پہلی اننگز میں326 رنز بنا کر آؤٹ ہوگئی جب کہ قومی بولرز نے تباہ کن بولنگ کرتے ہوئے صرف 12 رنز پر انگلینڈ کے ابتدائی تین بلے بازوں کو پویلین بھیج دیا۔
میچ کے دوسرے روز پاکستان نے 139 رنز دو کھلاڑی آوٹ پر کھیل کا آغاز کیا تو بابر اعظم 69 رنز بنا کر اینڈرسن کی گیند پر پویلین لوٹ گئے.
Shan Masood is the first Pakistan opener in 24 years to score a century in England. Saeed Anwar (176) was the last Pakistani opener to score a century in England, Oval 1996. #ENGvPAK pic.twitter.com/mcz1qsWK1e
— Pakistan Cricket (@TheRealPCB) August 6, 2020
اسد شفیق 7 رنز بنا کر اسٹیورٹ براڈ کا نشانہ بنے، وکٹ کیپر بیٹسمین محمد رضوان 9 رنز بنا کر پویلین لوٹ گئے. اوپنر شان مسعود کے 156 رنز نے پاکستان کو 326 تک پہنچا دیا، بابر اعظم 69 اور شاداب خان 45 رنز کے ساتھ نمایاں رہے۔
انگلینڈ کی جانب سے جوفرا آرچر اور براڈ نے 3،3 وکٹیں حاصل کیں۔
میزبان ٹیم نے اننگز کا آغاز کیا تو پاکستانی پیس اٹیک کے سامنے ان کی بیٹنگ لائن لڑکھڑا گئی، شاہین شاہ آفریدی اور محمد عباس نے 12 رنز پر ہی 3 مستند بلے بازوں کو پویلین بھیج دیا.
اوپنر برنس 4، سبلی 8 اور بین اسٹوک صفر پر آؤٹ ہوگئے، کپتان روٹ اور پوپ محتاط انداز میں اننگز کو آگے بڑھا رہے ہیں.