راولپنڈی: پاک فوج نے کے ٹو سر کرنے آئے امریکی کوہ پیما کی جان بچا کراسکردو منتقل کردیا۔
آئی ایس پی آر کی جانب سے جاری کردہ اعلامیے میں کہا گیا ہے کہ پاکستان فوج نے ہیلی کاپٹرز کے ذریعےایک امریکی کوہ پیما رابرٹ جیکسن کو کے ٹو بیس کیمپ کے نزدیک بچایا۔
رابرٹ جیکسن 27 ممبران پر مشتمل مہم کا حصہ تھے جو کہ 16 جون کو کے ٹو سرکرنے پاکستان آئی تھی۔
آئی ایس پی آر کی جانب سے بتایا گیا کہ رابرٹ جیکسن کے ٹو کی جانب جاتے ہوئے یک دم بلندی کے خوف میں مبتلا ہوگئے اور مزید آگے جانےیا واپس آنے کے قابل نہیں رہے۔ اس صورتحال میں پاک فوج نے اپنے ایوی ایشن ہیلی کاپٹر استعمال کرتے ہوئے انہیں کے ٹو بیس کیمپ کے علاقے سے نکالا اور اسکردو منتقل کردیا۔
