تھرپارکار: پاک فوج کی تھر کے قحط زدہ علاقوں میں امدادی کارروائیاں جاری ہیں، جھانجر،اسلام کوٹ سمیت دوردراز علاقوں میں متاثرین کو ریلیف کی فراہمی کیلئے ہر ممکن اقدامات اٹھائے جارہے ہیں۔
آئی ایس پی آر کے ترجمان کے مطابق تھر کے قحط زدہ علاقوں میں متاثرین میں تیرہ ٹن راشن تقسیم کردیا گیا ہے، جبکہ پاک فوج کے دو ہیلی کاپٹروں کی مدد سے تھر کے متاثرہ علاقوں کے دور دراز حصوں میں راشن کی فراہمی کا عمل بھی جاری ہے۔
ترجمان کے مطابق چھاچھرو ، خنصر، ڈپلو اور دھنائی میں پاک فوج کے قائم کئے گئے چار میڈیکل کیمپوں میں ڈیڑھ ہزار مریضوں کو علاج معالجے کی سہولتیں فراہم کی گئیں۔
